Visita ao II Encontro solar da UDC

Os alumnos do IES Elviña, José Lema, Iván Fernández, Andrés Paredes e Carlos Sanjurjo asistimos hoxe pola tarde ao II Encontro solar da UDC.

Alí o profesor do CIFP de Someso, Juan Bello deunos unha explicación de como podíamos recoller a enerxía radiante do sol, e aplicala a cociñas e fornos solares.

Dende o punto de vista tecnolóxico, mostrounos como fabricar  fornos solares por 3 euros: so precisas unha caixa de cartón , un plástico transparente e papel de aluminio.
Vimos tamén na mostra, varios modelos de cociñas solares comerciais.
O diario A Opinión, recolle a información do evento. Nós deixamos aquí estas fotos:

máis fotos



Coruña Sostible: actividades de educación ambiental

O alumnado do 2º e 3º da ESO asistimos durante o mes de marzo a unha actividade de educación ambiental, organizada pola área de Medio Ambiente do Concello de A Coruña.

As actividades pertencen aos programas " Enerxía que move a miña cidade "  e " Residuos urbanos en A Coruña "; estes programas constan dun audiovisual, un taller e unha saída dentro do Concello de A Coruña.

Os grupos de 3º ESO participamos o 06 de marzo en " Enerxía que move a cidade": logo de ver un audiovisual sobre as diferentes fontes de enerxía, especialmente as renovables,  visitamos o antigo vertedoiro de Bens - hoxe convertido nun parque- no que se aproveita o gas da  case esgotada fermentación do lixo para queimalo e obter electricidade.

 

Os de 2º de ESO, tivemos un taller e un audiovisual, no que se nos fixo saber a importancia de clasificar os diferentes residuos que xeramos no fogar, acertando co contedor ou o lugar onde os debemos depositar. Seguimos a cadea do proceso de separación e tratamento do lixo nos concellos de A Coruña e área metropolitana, visitando a planta de tratamento de Nostián o pasado 19 de marzo.

Grazas aos nosos monitores: Alba, Damián e Manuel pola súa paciencia.

 

Fagamos de Coruña un lugar sostible!!!!  



Hora do planeta 2013

2018: Fin das bolsas de polietileno en España

Segundo un documento do ano 2009 publicado polo Ministerio de Medio Ambiente, cada español consume unha media de 300 bolsas de plástico e 47 bolsas de papel/ cartón ao ano.
En total, as bolsas de plástico xeran 98800 toneladas de lixo en España das que so se reciclan o 15%.
Para evitar este problema está prevista a súa prohibición no ano 2018. Ata daquela podemos aplicar medidas de redución, reutilización e reciclaxe. 
O seguinte vídeo do programa de TVE " El escarabajo verde"  propón unha serie de medidas para o tratamento deste residuo.

Quedácheste obsoleto?

O seguinte documental relaciona o consumo masivo dos produtos coa súa "obsolescencia programada"; pero podemos sacar outra conclusión: grazas á duración limitada de moitos aparellos  producíronse avances nas técnicas de deseño e fabricación dos mesmos, é dicir, mellorou a tecnoloxía.

Demostra o que reciclas na túa casa

Con este xogo probaremos os nosos coñecementos sobre a reciclaxe do refugallo que xeramos na nosa casa!

Fonte: ecoembes

Axilidade mental e reciclaxe

Superado o xogo sobre a reciclaxe na nosa casa, podemos seguir a sumar puntos con esta nova proposta de ecoembes.com

Súmate á hora do planeta

Bota unha sinatura polo clima

O 27 de marzo ás 20:30h: A hora do planeta